Өнөөдөр өглөө Тайванийн эрэг орчим 7.5 магнитудын хүчтэй газар хөдөлж, Япон улсын Окинава мужийн өмнөд эрэг орчимд гурван метрийн өндөртэй цүнами үүсэж болзошгүйг анхаарууллаа.

Урьдчилсан тооцооллоор гурван метр өндөртэй цүнами гэж байгаа ч үүнээс нэмэгдэж болзошгүйг цаг уурын байгууллагаас мэдээлж байна. 

Тайваньд болсон газар хөдлөлтийн улмаас Тайпэй хотын хэд хэдэн газар цахилгаан тасарч, барилга нурсан байна. Харин хазайсан барилгад 8 хүн гацсан байна.

Газар хөдлөлт Тайванийн бүх хэсгээр мэдрэгдсэн байна. Хүмүүс гэмтэж бэртсэн болон амиа алдсан талаар мэдээлэл одоогоор байхгүй юм.