ОХУ-ын уран гулгагч Камила Валиева Бээжин-2022 өвлийн олимпийн үеэр допингтой нэр холбогдсон.

Тэгвэл Спортын арбитрын шүүхийн мөрдөн байцаалтын явцад Валиева допинг хэрэглэсэн нь тогтоогдож, тэмцээн уралдаанд оролцох эрхээ дөрвөн жилээр хасуулав.

CAS-ын шийдвэрт Валиеваг допингийн эсрэг дүрэм зөрчсөн гэм буруутай гэж үзжээ. Ингээд эерэг тест авсан өдрөөс хойш буюу 2021 оны арванхоёрдугаар сараас хойш дөрвөн жилийн хугацаагаар эрхээ хасуулж байна. Валиевагийн энэ хугацаанд авсан бүх шагнал, цолыг (багийн тэмцээнд Европын аварга, Олимпын аварга цолыг оруулаад) хураана. Шүүх шийдвэр гаргахдаа ОХУ-ын допингийн эсрэг дүрмийг баримталсан гэж тайлбарлажээ.