ОХУ-ын Новосибирск хотод Баасан гарагт халаалтын шугамд гарсан хэд хэдэн эвдрэл гэмтэлтэй холбогдуулан онц байдал зарлажээ.

“Харамсалтай нь халаалтын системд эвдрэл гэмтэл гарсны улмаас нөхцөл байдал улам муудлаа” гэж Новосибирск мужийн захирагч Андрей Травников өөрийн Телеграм хуудсанд бичсэн байна.

Сүүлийн 24 цагийн хугацаанд тус хотын нэг дүүргийн дулааны шугамын гурван хэсэг задарсан байжээ.

Мөн өнгөрсөн долоо хоногт тус хотын хэд хэдэн газрын дулааны шугам хагарснаас олон зуун айл өрх халаалтгүй болж, гудамж талбай халуун усаар үерлэж байна.

Хотын захиргаанаас  гэмтлийг засварлахаар  ажиллаж байгаа ч халаалт хэзээ сэргэх талаар хугацаа хэлээгүй байна.