Японы аврагчид төв нутгийн Ишикава мужид болсон 7.6 магнитудын хүчтэй газар хөдлөлтийн улмаас нурсан байшингийн доороос 80 гаруй насны эмэгтэйг аварчээ.

Аврагчдын мэдээлснээр, эмэгтэй ухаантай, хариу үйлдэл үзүүлж байсан бөгөөд түүнийг эмнэлэгт хүргэжээ. Тэд эмэгтэйг Ното хойгт хүчтэй газар хөдөлснөөс 72 гаруй цагийн дараа олж, аварсан байна.

Хоёр давхар байшингийн нэг давхар нурсан байсан ба амьд үлдсэн эмэгтэй тэнд гацсан байжээ.