Өмнөд Солонгосын "Korean Air" компанийн  нислэгийн үеэр онгоцны яаралтай тусламжийн хаалгыг онгойлгохыг завдсан  эмэгтэйг саатуулан шалгаж эхэлжээ.

Тодруулбал, тухайн эмэгтэй Нью-Йоркоос Инчон руу нисч байсан онгоцны хаалгыг хүчээр онгойлгохыг завдсан бөгөөд  хар тамхи хэрэглэсэн байж магадгүй аж.

Онгоц ниссэнээс хойш 10 цаг орчмын дараа яаралтай тусламжийн гарцыг  олон удаа нээхийг оролдсон байжээ. 

Онгоц газардсаны дараа тухайн эмэгтэйд хар тамхины шинжилгээ хийсэн бөгөөд сэжигтнээс хууль бус бодис илэрсэн тул түүнийг шууд баривчилжээ.