Өнгөрсөн ням гарагт Ливи улсад  Даниэл далайн хар салхины улмаас хуучирч муудсан хоёр далан нурснаас асар хүчтэй үер буусан байна.

Хамгийн их хохирол амссан Дерна хотод одоогийн байдлаар 3,000 гаруй хүн амиа алдаж,  10,000 орчим хүн сураггүй алга болсон бөгөөд энэ тоо цаашид нэмэгдэх төлөвтэй байна гэж холбогдох албаны хүмүүс мэдэгджээ.

Өнөөдрийн байдлаар Египет улсаас хүмүүнлэгийн тусламж Ливид ирсэн бол АНУ, Герман, Иран, Итали, Катар, Турк зэрэг улсууд тусламж илгээх болсноо мэдэгдсэн байна.