Өчигдөр буюу ням гарагт Сагсан бөмбөгийн дэлхийн аварга шалгаруулах тэмцээнд оролцож буй АНУ-ын шигшээ баг, Литва улсын багт хожигдож дуулиан тарилаа.

Тэмцээний эхний хагасыг Литвачууд 17 онооны илүүтэй дуусгасан бол хоёрдугаар хагаст Америкчуудын тоглолт сэргэсэн ч оноогоор өрсөлдөгчөө гүйцэж чадаагүй юм.

Гэхдээ  хоёр баг тэмцээнээ цааш үргэлжлүүлэн, нэгдүгээрт бичигдсэн Литвагийн баг Мягмар гарагт Сербийн шигшээ багтай, хоёрдугаарт бичигдсэн АНУ-ын баг Италийн шигшээ багтай хагас шигшээ шатанд өрсөлдөнө.

Литва улсын хувьд түүхэндээ гурав дахь удаагаа АНУ-ын багийг хожиж байгаа аж.