Өмнөд Африкийн Йоханнесбург хотын төвд таван давхар барилга шатаж 60 гаруй хүн амь үрэгдээд байна. Онцгой байдлын албаны мэдээлснээр түймрийн үеэр 40 гаруй хүн гэмтэж бэртжээ. 

Одоогоор галын шалтгааныг тогтоогоогүй байна. Барилгад гацсан иргэд байж магадгүй тул хохирогчдын тоо цаашид нэмэгдэхийг анхааруулжээ. Орон нутгийн цагаар пүрэв гарагт 01.30 цагт гал унтраах төвд дуудлага ирсэн байна. Амь үрэгдсэн хохирогчдын дунд нялх хүүхэд байжээ. Уг гал нь ойрын 20 жилд Йоханнесбург хотод тохиогоогүй гарз хохирол дагуулж буйг холбогдох хүмүүс мэдээлжээ.