Өнгөрсөн долоо хоногт болсон онгоцны ослоор Вагнер хувийн цэргийн бүлгэмийн удирдагч Евгений Пригожин болон хамт зорчиж явсан есөн хүн амиа алдсан хэмээн ОХУ мэдээлсэн.

Тэгвэл  ослын шалтгааныг тодруулахаар мөрдөн шалгалт явуулж, шинжилгээ хийсний дүнд амиа алдагсдын нэг Пригожин мөн болохыг Оросын мөрдөн байцаагчид мэдэгджээ. Тэрээр  "Тверь мужид гарсан онгоцны ослыг мөрдөн шалгах ажлын хүрээнд явуулсан молекул-генетикийн шинжилгээний үр дүн гарлаа.Зорчигчдын жагсаалтад нэр нь дурдагдсан 10 хүн бүгд мөн болохыг энэ үр дүн харуулж байна" гэж Ням гарагт мэдээлсэн байна.

Гэхдээ онгоц ямар шалтгаанаар осолдсон талаар тэр мэдээлэл өгөөгүй байна.