Энэ оны гуравдугаар сарын 8-нд 239 зорчигчтой Малайзын агаарын тээврийн “МН370” нисэх онгоц Куала Лампураас Бээжингийн чиглэлд нисэх замдаа сураггүй алга болсон. Онгоц алга болсоноос хойш өнөөг хүртэл Энэтхэгийн далайн 60 мянган км квадрат талбайд хайсан ч ямар ч ул мөр олж чадаагүй. Тиймээс Малайзын ерөнхий сайд Нажиб Разак эрлийн ажлыг зогсоож буйгаа мэдэгдлээ.

Тэрээр “Алга болсон онгоцыг олох найдвар тасарлаа. Бид боломжтой бүгдийг ашиглан, байж болох бүх газраар хайсан. Надад харамсалтай байна. Онгоцонд зорчиж байсан иргэдийн гэр бүлийнхэнд эмгэнэл илэрхийлье” гэв. Нийт 90 сая долларын зардал гарган хайгуулыг үргэлжлүүлнэ гэж мэдэгдэж байсан ч энэ ажил ийнхүү талаар өнгөрсөн бололтой. Эрлийг зогсоосон болохоор зорчигчдыг нас барсанд тооцож, ар гэрийнхэнд нь нөхөн төлбөр олгохоор болжээ.