Өчигдөр буюу наймдугаар сарын 3-нд БНСУ-ын Кёнги мужийн Соннам хотын  Бунданг дүүргийн  Сохён метроны буудлын гадаа  20 гаруй насны залуу явган 4  зорчигчийг машинтай мөргөж гэмтээсний дараа  хутга барин ойролцоох их дэлгүүрт орж 10 гаран хүнийг бэртээж, гэмтээсэн хэрэг гарсан байна.

Иргэдийн дуудлагаар  цагдаагийн албаныхан очиж баривчилсан бөгөөд гэмтсэн иргэдийг эмнэлэгт хүргэжээ. Эдгээр иргэдийн 2 хүн хөнгөн, 12 хүн нь хүнд хэлбэрийн бэртэл авчээ.

Тэгвэл өнөөдөр /2023.08.04/ дахин өөр иргэн халдлага үйлдэнэ гэж айлган сүрдүүлсэн утга бүхий захидал цахим орчинд нийтэлжээ.