Зүүн Африкийн Кени улсад суугаа элчин сайдаа эгүүлэн татах болсныг Румын улсын гадаад хэргийн яам өчигдөр мэдээлжээ.

Дөрөвдүгээр сарын 26-ны өдөр Элчин сайд Драгос Виорел Тигау Кенийн нийслэл Найроби хот дахь НҮБ-ын байранд байхдаа Африк тивийн оршин суугчдыг сармагчинтай зүйрлэн ярьсан нь түүнийг эгүүлэн татахад хүргэсэн байна.

Энэ үйлдлийн дараа Тигау дөрвөн өдрийн турш Африкийн дипломатчдаас уучлалт гуйсан  хоёр захидал илгээжээ. Харин энэ талаар Элчин сайд Тигау  тайлбар өгөхдөө " маш их маргаантай уулзалтын" үеэр уур амьсгалыг тайвшруулах гэж оролдлого хийсэн нь ийм байдалд хүргэсэн гэжээ. 

Румын улсын гадаад хэргийн яамны зүгээс  “Бид үүссэн нөхцөл байдалд гүн харамсал илэрхийлэхийн зэрэгцээ үүний улмаас хэлмэгдсэн бүх хүмүүсээс уучлал гуйж байна” гэж тус яам мэдэгджээ.