БНСУ-ын Ерөнхийлөгч Юн Сүк Ёл Тэргүүн хатагтайн хамт АНУ-д төрийн айлчлал хийж байгаа билээ.

Айлчлалын үеэр Өмнөд Солонгосын Тэргүүн хатагтай Ким Кеон Хэ олны анхаарлыг ихээр татаж байна.

Тэргүүн хатагтайн барьсан цүнх, өмссөн хувцас, 50 настай ч 30 настай мэт харагддаг гаднах төрх нь гоо сайхны багагүй магтаалыг дагуулж буй.

Өдгөө 50 настай тэрбээр Кёнги их сургуульд урлагийн чиглэлээр суралцжээ. Их сургуулиа төгссөний дараа урлагийн боловсролоор магистрын зэргээ, дижитал контент дизайны чиглэлээр докторын зэргээ тус тус хамгаалжээ.

Тэрбээр нөхөртэйгээ 2012 онд гэрлэсэн бөгөөд хос хоёр олон жилийн өмнөөс биенээ мэддэг байсан гэж нэгэн ярилцлагадаа дурджээ. Тухайн үед Ким Кеон Хи 40 настай, Юн Сок Ёл 52 настай байжээ. 

Тэд хүүхэдгүй бөгөөд дөрвөн нохой, гурван мууртайгаа амьдардаг аж.