Япон улсын “TBS” (Tokyo Broadcasting System) телевизийн төлөөлөл Драмын тэнхимийн Контент үйлдвэрлэлтийн хэлтсийн дарга Дайки Ишиватари Монголын Үндэсний Кино урлагийн зөвлөл бөгөөд ажлын албаны дарга Ч.Ундрал, Кино урлагийн зөвлөлийн ажлын албаны Олон улсын хамтын ажиллагааны газрын дарга Г.Номин-Эрдэнэ нартай өчигдөр албан уулзалт хийсэн байна.

Уулзалтын үеэр “TBS” телевизийн шинээр бүтээх олон ангит киноны хоёр ангийн зураг авалтыг 2023 оны 5 дугаар сард Монголын нутаг дэвсгэрт эхлэхээр болсноо мэдэгдэв.

Уг олон ангит киног олон улсад “NETFLIX” онлайн платформоор дамжуулан түгээхээр төлөвлөж байгаа аж.