"ОХУ-д үйлдвэрлэсэн" пуужин Украинтай хил залгаа Польш улсын Пржеводов тосгонд унаснаас  өнгөрсөн шөнө буудай хатааж байсан хоёр тариачин амь үрэгджээ.

Польшийн гадаад хэргийн яамнаас тус улсад суугаа ОХУ-ын элчин сайдыг дуудан уулзаж, Орост үйлдвэрлэсэн пуужин яагаад тус улсын нутаг дэвсгэрт унасан талаар тайлбар авчээ.

Энэ талаар  албан ёсны мэдээлэл хийгээгүй байгаа ч тус улсын тагнуулын эх сурвалж ОХУ-ын талаас харвасан пуужин  Польшид унасан гэж мэдэгджээ.

Түүнчлэн "NATO"-гийн зүгээс нөхцөл байдлыг тодруулах үүднээс шуурхай хурал зарлажээ.