АНУ-ын Техаст агаарын шоунд оролцож байсан хоёр онгоц хоорондоо мөргөлдсөний улмаас зургаан хүн амиа алджээ.

Ахмад дайчдад зориулсан тус шоунд дэлхийн хоёрдугаар дайны үеийн байлдааны онгоцнууд оролцсон аж. Нислэгийн үзүүлбэрийн үеэр Бойнг B-17 онгоц P-63 Кингкобра сөнөөгч онгоцтой мөргөлдөж дэлбэрчээ.

Осол болох үед 5000 гаруй хүн шоуг үзэж байсан бөгөөд газарт байсан энгийн иргэдийн дунд хохирол учраагүй гэдгийг албаныхан мэдээллээ.

Ослын шалтгаан одоогоор тодорхойгүй байна.