АНУ-ын Ерөнхийлөгч асан Доналд Трампын бага охин, 29 настай Тиффани Трамп Нигерит бизнес эрхэлдэг Ливаны саятны хүү 25 настай Майкл Булостой гэрлэжээ. Тэдний хурим Флорида дахь Трампын Мар-а-Лаго эдлэнд болсон байна. 

Хуримын бэлтгэлийг удаан хугацаанд хийсэн бөгөөд 500 орчим зочин урьсан аж.

Тиффани, Майкл нар 2018 онд жүжигчин Линдси Лоханы эзэмшлийн цэнгээний газар танилцжээ. Майкл Ерөнхийлөгч асан Доналд Трампын бүрэн эрхийн хугацаа дуусах үед буюу 2021 оны нэгдүгээр сард Цагаан ордны гадна гэрлэх санал тавьж байв.