Шведийн шинэ Ерөнхий сайд Ульф Кристерссон барууны төвч үзэлтэй гурван намаас бүрдсэн эвслийн Засгийн газрынхаа бүрэлдэхүүнийг өчигдөр танилцуулсан байна.

Шинэ Засгийн газар 24 сайдаас бүрдэж байгаагийн 13 нь эрэгтэй, 11 нь эмэгтэй байна. 

Тэдний дунд Уур амьсгал, байгаль орчны яамыг тус улсын түүхэн дэх хамгийн залуу сайд болж байгаа, Либераль намын төлөөлөгч 26 настай Ромина Пурмоктари тэргүүлэхээр болсон нь олны анхаарлыг татаж буй.

Өмнө нь Либерал намын залуучуудын хэсгийг удирдаж байсан нэгэн аж.

Стокгольм хотын захад Ираны гэр бүлд төрсөн энэ залуу эмэгтэй цаг уур, байгаль орчныг салбарыг удирдах болсон нь дэлхийн хамгийн залуу 27 настай сайдын дээд амжилтыг эвдсэн юм.