Украины нутаг дэвсгэрт ОХУ-ын цэрэг довтолж эхэлснээс хойш АНУ Украинд 142 их бууны системийг 707 мянган сум хэрэгслийн хамт нийлүүлжээ.

АНУ-ын их газраас хуягт техниктэй тэмцэх 56 мянган гар тээшийн пуужингийн цогцолборыг, 1,4 мянган  зенитийн пуужингийн цогцолбор, 15 нисдэг тэрэг, 42 их бууны батарейн эсрэг радар, 10,2 мянган  автомат болон гар буу, 68,2 сая буудлагын зэвсгийн сум, 18 эргүүлийн катер зэргийг зөөн  авчирчээ.

Пентагоны мэдээгээр, тээврийн цэргийн болон түрээсийн том онгоцнууд Европт 777 удаа нислэг хийсэн байна. Зэвсгийг зөөхөд 44 усан онгоц, 104 төмөр замын цуваа, 2,8 мянган трейлерыг ашигласан юм.

Украинд нийлүүлэх 65 мянган тонн зэвсэг, цэргийн техникийг Европ руу зөөжээ. Эдгээр ачааны ихэнхийг Украинаас 90 км-ын зайтай Польшийн Жешув хотын нисэх буудалд зөөвөрлөж байв.