Бангладешийн Бода хотод даац хэтрүүлэн зорчигч тээвэрлэсэн усан онгоц голд осолдож 67 хүн амиа алджээ. Усан онгоцонд 90 гаруй хүн зорчиж явсан бөгөөд тэдгээрийн 50 орчим нь Хиндугийн шашны баярт оролцохоор эртний сүмийг зорьж байжээ.

Ослын газарт аврагчид сураггүй болсон иргэдийг олох эрлийн ажлыг үргэлжлүүлэн явуулж байна.

Осол гаргасан усан онгоц зөвшөөрөгдсөн хэмжээнээс гурав дахин их хүн тээвэрлэсэн байжээ. Аюулгүй ажиллагааны дүрэм журмыг мөрддөггүйгээс болж Өмнөд Азийн орнуудад ийм төрлийн осол гарах нь элбэг байдаг аж.