Казахстан улсын нийслэл Нур-Султаны нэрийг Астана болгон буцааж өөрчлөх саналыг тус улсын ерөнхийлөгч Касым-Жомарт Токаев дэмжжээ.

Энэ талаар Токаевын хэвлэлийн төлөөлөгч Руслан Желдибай өчигдөр сошиал хуудсандаа "Ерөнхийлөгч уг саналыг дэмжсэн ба одоо үндсэн хуульд оруулахаар бэлдэж буй өөрчлөлтөд нийслэлийн шинэ нэрийг тусгах төлөвлөгөөтэй байгаа" гэж мэдээлсэн байна.

Ташрамд дурдахад, Астана нэртэй байсан нийслэл 2019 оноос хойш Казахстаны анхны ерөнхийлөгчийн нэрээр Нур-Султан гэж нэрлэгдсэн билээ.