Их Британи, Умард Ирландын Нэгдсэн Хаант Улсын хатан хаан II Элизабет нас барах мөчид тус улсын хаан ширээг албан ёсны өв залгамжлагч, Уэльсийн хунтайж асан Чарльзд нэн даруй, ёслолгүйгээр шилжүүлэв.

Хаан эхнэр Камиллагийн хамт өнөөдөр Лондонд эргэж ирэх бөгөөд хааны хувиар анх удаа ард иргэдэдээ хандаж үг хэлэх юм байна.

Шинэ хааныг III Чарльз хаан гэж дуудах аж. Тэрээр 1948 онд төрсөн, өдгөө 74 настай юм.

Түүнийг хаан болсноор хүү Уиллиам нь аавынхаа Уэльсийн хунтайж болон Корнваллын гүн цолыг хүртэх бол түүний гэргий Кэтрин Конваллын гүнгийн хатан болж байгаа аж.