АНУ-ын тэргүүн хатагтай Жилл Байден Украинд айлчилсан тухай CNN мэдээлжээ. Айлчлалын талаар түүний хэвлэлийн алба нууцалсан байна.

Тэрбээр Ужгород хотод 163 дүрвэгч, тэр дундаа 48 хүүхэд түр хорогдож буй 6-р дунд сургуульд зочилжээ. Тэнд Жилл Байден Украины тэргүүн хатагтай Елена Зеленьскаятай уулзсан байна. “Украины ард иргэдэд энэ цус урсгасан дайн зогсох ёстой гэдгийг илэрхийлэхийг зорьсон. АНУ-ын ард иргэд украинчуудтай хамт байна” гэж хатагтай Байден уулзалтын үеэр онцолжээ.

Зеленьская Жилл Байденд хандан ийм зоригтой алхам хийсэнд талархал илэрхийлжээ.