ӨнөөдөрУкраинд ажиллаж байсан Америкийн сэтгүүлч буудуулж амиа алджээ
Украины нийслэл Киев хотын ойролцоо Ирпень хотхонд ажиллаж байсан Америк сэтгүүлч буудуулж амиа алджээ. 50 настай Брент Рено нь хэвлэл мэдээллийн "Time" байгууллагад сэтгүүлч, зураглаачаар ажиллаж байв.
Украинд болж буй зэвсэгт мөргөлдөөний үеэр олон улсын сэтгүүлч амь үрэгдсэн анхны тохиолдол энэ боллоо.
Киевийн цагдаагийн дарга Андрей Небытов "түүнийг Оросын цэргүүд буудсан. Өөр хоёр ч сэтгүүлч шархдан эмнэлэгт хүргэгдсэн" гэж мэдэгджээ.
Эмнэлэгт хүргэгдсэн Италийн сурвалжлагч Хуан Арредондо "Бид Ирпень дэх хорогдох байрыг сурвалжлахаар машинтайгаа гүүр гарч байв. Бид нэг хүний хэлснээр өөр гүүрээр гарахаар болж шалган нэвтрүүлэх хэсэг рүү явж байтал гал нээсэн. Жолооч тэр дороо эргэсэн ч тэд буудсаар байсан. Миний найз Брент хүзүүндээ буудуулан үлдэхийг би харсан" хэмээжээ.
|
Эх сурвалж: BBC
|
