Киев цэргийн ажиллагаагаа зогсоож, Москвагийн шаардлагыг биелүүлсэн тохиолдолд л Украин дахь Оросын цэргийн ажиллагааг түр зогсоож болно гэж ОХУ-ын ерөнхийлөгч Владимир Путин Туркийн ерөнхийлөгч Режеп Тайип Эрдогантай утсаар ярихдаа мэдэгдсэн талаар  Кремлийн хэвлэлийн алба Ням гарагт хоёр удирдагчийн хэлэлцээний дараа мэдээлэв. 

Кремлийн хэвлэлийн алба энэ талаар "Владимир Путин Донбассыг хамгаалах тусгай цэргийн ажиллагааны явцын талаар мэдээлэл хийж, энэ хүрээнд баримталж буй зарчмын арга барил, үнэлгээг хэлж, тавьсан үндсэн зорилго, даалгаврыг нарийвчлан тайлбарлав. Тусгай ажиллагаа төлөвлөгөөний дагуу үргэлжилж байгааг онцоллоо." гэж мэдээлл.

Мөн ОХУ-ын зэвсэгт хүчин "энгийн иргэдийн амь насыг аврах, аюулгүй байдлыг хангахын тулд чадах бүхнээ хийж, зөвхөн цэргийн дэд бүтцийн объектуудад нарийн цохилт өгч байна. Гэвч Украины неонацистууд Донбасст эрчимтэй цохилт өгч, энгийн хүмүүс болон гаднын иргэдийг барьцаалан, харгисаар амьд бамбай болгож байна” гэж мэдээлсэн юм.  

Ярилцлагын үеэр Оросын удирдагч "Оросын тал Украины эрх баригчид болон гадаадын түншүүдтэй мөргөлдөөнийг зохицуулахын тулд яриа хэлэлцээ хийхэд бэлэн байна" гэж мэдэгдэв.