Украины эргэн тойрон дахь нөхцөл байдлын талаар хийлгэсэн хэвлэлийн бага хурал дээр АНУын Ерөнхийлөгч Жо Байден ОХУ-ын эсрэг тавьж буй хориг арга хэмжээгээ зарлалаа. 

Оросын цэрэг аж үйлдвэрийн цогцолборыг санхүүжүүлдэг Промсвязьбанк, улсын хөрөнгө оруулалттай ВЭБ банк АНУ-ын хоригт багтаж байна.

Мөн ОХУ-ын Засгийн газар Америк, Европын зах зээл дээр хөрөнгө босгох, бонд арилжих зэрэг санхүүгийн ямар ч үйл ажиллагаа явуулах боломжгүй. 

Мөн Оросын удирдагчийн ойрын хүрээллээс хар жагсаалтад оруулсан хүмүүсийн нэрсийг ойрын хугацаанд зарлах юм. 

Украины салан тусгаарлагчдыг хүлээн зөвшөөрсөнийх нь төлөө Оросын эсрэг авч буй арга хэмжээ нь 2014 онд тавьсан хоригоос хамаагүй хатуу байх болно гэж Байден мэдэгджээ.