ОХУ-д коронавирусийн халдварын тархалт огцом нэмэгдсээр байна.

Тэгвэл тус улсын эрх баригчид халдварын нөхцөл байдалтай уялдуулан аравдугаар сарын 28-наас арваннэгдүгээр сарын  долоон  хүртэл бүх нийтээр амрах шийдвэр гаргажээ.

Ингэхдээ тухайн бүс нутгийн цар тахлын халдварын нөхцөл байдал, онцлог шинж чанарыг харгалзан үзэх гэнэ.

Эдгээр өдрүүдэд Москва хотод хатуу хөл хорио тогтоохоор болсон байна.

Хатуу хөл хорионы хугацаанд зөвхөн эмнэлэг, эмийн сан, хүнсний дэлгүүр гэх мэт зайлшгүй ажиллах шаардлагатай газрууд ажиллах юм.

Цар тахал эхэлсэн цагаас хойш ОХУ даяар нийтдээ 222,000 орчим хүний коронавирусийн халдвараар нас барж, халдварын батлагдсан тохиолдол 8 саяд дөхөөд байна.