Ковидын паспорт зэрэг коронавирустэй холбоотой хязгаарлалтуудыг эсэргүүцсэн жагсаал бямба гарагт Францад болсон байна.

Найм дахь бямба гаргаа дараалан болж буй жагсаалд 140 мянга гаруй хүн оролцсон байна.

Нийслэл Парис хотод 18 мянга орчим, Монпелье хотод 6 мянга, Авиньонд 4 мянган хүн жагсчээ.

Францын парламент эрүүл мэндийн салбарын ажилтнууд, гал сөнөөгчид, аврагчдыг албадан вакцинжуулах тухай хуулийг баталсны дараа эсэргүүцлийн ажиллагаа өрнөж эхэлжээ.