Өнөөдөр буюу наймдугаар сарын 23-ны өдөр Red velvet хамтлагийн дуучин Joy болон соло уран бүтээлч Crush нар үерхдэг гэх мэдээ цахим орчныг шуугиулж байна. Хоёр дуучны харьяа агентлагуудаас тодруулахад, соло уран бүтээлч Crush-ийн агентлаг P-Nation тэдний болзож буйг үнэн хэмээн баталсан бол Joy-ийн харьяа SM Entertainment хараахан мэдэгдэл хийгээгүй аж.

Хоёр дуучныг болзож буй талаар хамгийн анх Солонгосын Sports Chosun гэх мэдээллийн сайт мэдээлж ийнхүү цахим орчинд хүмүүсийн анхаарлыг ихэд татаж байна.

Joy болон Crush нар 2020 оны тавдугаар сард “mayday” гэх дууг хамтран дуулсан ба түүнээс хойш бие биетэйгээ харьцдаг болсон гэжээ.