Талибанчууд Афганистаны Кабул хотыг эзлэн авсантай холбогдуулан дэлхий нийт Афганистаны охид, эмэгтэйчүүдийн эрх зөрчигдөх вий хэмээн анхаарал хандуулж байна.

Тодруулбал,  ДЭМБ-ын тэргүүн Тедрос Адханом Гебрейесус: “Афганистанд хоол тэжээлийн хомсдол болон ковид – 19-ийн халдвараар өвчлөгсдийн тоо эрс нэмэгдэх аюултай байна. Нэн ялангуяа, Афган охид, эмэгтэйчүүд эмнэлгийн тусламж авахад онцгой анхаарал хандуулахыг олон улсын байгууллагуудаас хүсэж байна.”гэв.

Мөн АНУ, Их Британи зэрэг  20-иод улс орон Афганистаны өнөөгийн нөхцөл байдлын талаар өөрсдийн дуу хоолойгоо хүргэж, боловсрол болон эрх тэгш байдлын талаар сэтгэл зовниж буйгаа илэрхийлсэн билээ.