Грект сайн дурын малын эмч нар түймэрт өртсөн амьтдыг аврах байгууламж босгож үйл ажиллагаагаа явуулж байна. Нэн ялангуяа, галд өртсөн нохой, муур гэх зэрэг гэрийн тэжээмэл амьтад маш олон байна гэв.
Грекийн сайн дурын эмч нар Афин хотын ойролцоох уурхайн үлдэгдэл газар байрлаж амьтдад тусалж байгаа аж. Тэд одоогийн байдлаар 230 гаруй амьтдыг аварсан бөгөөд өдөрт 20 гаруй амьтдыг хүлээн авдаг байна. Хөнгөн түлэгдэлттэй амьтдыг 2 – 3 цагийн турш хүйтэн усанд байлгаж шархыг нь эдгээдэг гэжээ.
Грек улсад энэ наймдугаар сард гал түймэр ихээр дэгдэж, олон ард иргэд, зэрлэг амьтад түймэрт өртсөн билээ.