АНУ-ын Эрүүл Мэндийн Яамны мэдээнээс үзэхэд, энэ сарын 14-ний өдөр гэхэд 1900 гаруй хүүхэд ковид – 19-ийн халдвар авч эмнэлэгт хэвтжээ. Ийнхүү АНУ-д бага насны хүүхдүүд ихээр өвчилж байгаа тул орон нутгийн албан тушаалтнууд болон сургуулиудын захиргаа шинэ хичээлийн жил эхэлмэгц хүүхдүүд маск зүүх эсэх дээр ихээхэн зөрчилтэй байгаа аж.
Нэн ялангуяа корона вирусний дельта хувилбар АНУ-д хурдацтай тархаж, вакцин тариулаагүй иргэд ихээр өртөж, өвчлөгсдийн тоо огцом нэмэгдэж байна гэв.  Үүний улмаас эмнэлгүүд хязгаартаа тулж, ачааллаа дийлэхээ больжээ.
АНУ-д халдвар авч эмнэлэгт хэвтсэн иргэдийн 2.4 хувийг бага насны хүүхдүүд эзэлж байгаа бөгөөд 12-оос доош насны хүүхдүүд вакцин тариулж болохгүйн улмаас мутацлагдсан дельта хувилбараар өвчилж, маш хурдан хүндэрч байна. 
Мөн Флорида, Техас, Аризона мужуудад маск зүүхийг хориглосон захирамж гаргасан ч маш олон сургуулиуд  уг захирамжийг үл тоон сурагчдыг маск зүүхийг шаардаж байна.