Италийн өмнөд хэсэгт орших Сицили арал дээр энэ сарын 11-ний өдөр агаарын хэм +48.8 градуст хүрч халжээ. Үүний улмаас хэт хуурайшилт үүсэж Сицили арал дээр гал түймэр дэгдэж байгалийн гамшиг нүүрлээд байна. Италийн гал унтраах багийнхан наймдугаар сарын 11-ний өдөр гэхэд 300 гаруй газарт шуурхай гал унтраахаар ажилласан талаар мэдээллээ.

Мөн дэлхийн цаг уур судлалын байгууллагын мэдээлснээр Сицили арал Европын түүхэн дэх хамгийн өндөр хэмд хүрч халсан газарт тооцогдох болсон бөгөөд үүнээс өмнө хамгийн сүүлд 1977 онд Грект агаарын хэм +48 градуст хүрч халсан нь Европын түүхэн дэх хамгийн халуун агаарын температур болж байсан юм.