Энэ оны есдүгээр сарын 3-ны өдөр романс, мюзикл төрлийн Үнсгэлжин кино нээлтээ хийх гэж байна. Найруулагчаар Кэй Кэннон ажилласан бөгөөд Францын нэрт зохиолч Шарль Перрогийн ижил нэрт зохиолоос сэдэвлэн бүтээжээ.
Киноны гол дүр буюу Үнсгэлжингийн дүрд Камила Кабельо тоглосон бөгөөд тэрээр ийнхүү Үнсгэлжин киногоор жүжигчний гараагаа эхэлж байгаа юм. Харин Үнсгэлжингийн хойд эхийн дүрд жүжигчин Идина Мензел, ханхүү Робертийн дүрд Николас Галицин нар тус тус тогложээ.

Мөн Үнсгэлжингийн эх зохиолоос  ялгарах хамгийн том зүйл бол дагина эхийн дүр “Хүйсгүй” дагины дүр болон гарах бөгөөд уг дүрд Билли Портер дүр бүтээжээ.

Кино зохиолыг илүү орчин үеийн байдлаар бичсэн бөгөөд хорон санаат хойд эх, хоёр эгчийн хамт аж төрөх Үнсгэлжин охины талаар өгүүлэх аж.
Кино зураг авалт хуваарийн дагуу 2020 оны 2-р сард эхэлсэн ч цар тахлын улмаас 3-р сард түр зогсож, 2020 оны 8-р сараас хэвийн үргэлжилж эхлэн 9-р сард дууссан байна. Үнсгэлжин киног Columbia Pictures болон Fulwell 73 хамтран бүтээжээ.