"Токио 2020" зуны олимпын наадам дөрөвдэх өдрөө үргэлжилж байна. Өнөөдөр хуваарийн дагуу скейтбордын тэмцээн болж байна.

Уг тэмцээний эмэгтэйчүүдийн төрөлд Японы 13 настай охин Момижи Нишияа түрүүлж, олимпын скейтбордын аварга болсон анхны эмэгтэй тамирчин болж байна. 

Япончууд ийнхүү олимпийн шинэ спортын төрөлд хоёр аваргатай боллоо.

Харин мөнгөн медалийг Бразилын Райсса Леал, хүрэл медалийг Японы Фүна Накаяама хүртжээ.