"Amazon"  компанийн үүсгэн байгуулагч, дэлхийн хамгийн баян эрхэм Жефф Безос өчигдөр "New Shepard" хөлгөөр сансарт нисээд ирлээ. 

Орон нутгийн цагаар 09:12 цагт Техас мужийн цөлд Ван-Хорн хотын ойролцоо орших Безосын хувийн эзэмшлийн сансрын буудлаас хөөрчээ. Дараа нь пуужин 76 км-ийн өндөрт гарч, хөдөлгөөнт хөл дээр газардан дэлхий рүү буцаж газардсан байна. Түүнээс салсан New Shepard капсул аяллаа үргэлжлүүлж, 106 км-ийн өндөрт гарсныхаа дараа шүхрээр буужээ.

Нислэг нийт 10 минут 10 секунд үргэлжилсэн ба капсул жингүйдлийн бүсэд дөрвөн минут орчим болжээ. 

Безостой хамт түүний төрсөн дүү Марк, 82 настай эмэгтэй нисгэгч Уолли Фанк, 18 настай Нидерландын иргэн Оливер Дамен нар нисчээ.

Безос “Энэхүү нислэгийн зардлыг төлсөн Амазон компанийн бүх ажилчид, бүх үйлчлүүлэгчид баярлалаа. Та бүхэнд чин сэтгэлээсээ баярлаж байна” гэж хэлжээ.