Дэлхийн Эрүүл мэндийн байгууллагын тэргүүн (ДЭМБ) Тедрос Аданом Гебрейесус өнөөгийн цар тахлаас сургамж аван өвчний шинэ дэгдэлтэд бэлэн байхыг  улс орнуудад уриалжээ.

“Шинэ цар тахлаас сэрэмжилж урьдчилан сэргийлэх, илрүүлэх, хариу арга хэмжээг цаг алдалгүй авахын тулд боломжтой бүхнийг хийх шаардлагатай. Тахлын бидэнд өгч буй сургамжаас суралцах ёстой" хэмээн Гебрейесус хэлснийг хэвлэлүүд иш татжээ. Мөн коронавируст халдварын эсрэг вакцины 77 хувь нь дөнгөж 10 оронд ноогдож байхад ядуу буурай орнууд хүн амын эрсдэлт бүлгээ ч дархлаажуулах вакцингүй байгааг анхаарууллаа.

Үүнээс өмнө зургаадугаар сарын 25-нд Гебрейесус коронавирусийн "дельта" хувилбар вакцин хийлгээгүй хүмүүсийн дунд маш хурдан тархаж буйг сануулсан юм.