АНУ 12-15 насны хүүхдүүдэд “BioNTech-Pfizer” компанийн вакциныг хэрэглэхийг зөвшөөрчээ.

Эрүүл мэнд, нийгмийн хамгааллын яамны дэргэдэх Хүнс, эмийн чанарын хяналтын газраас коронавирусний халдварт өвчнөөс урьдчилан сэргийлэх зорилгоор “BioNTech-Pfizer” компанийн вакциныг яаралтай хэрэглэх зөвшөөрлөө өргөтгөж, 12-15 насны хүүхдүүдэд хэрэглэхийг зөвшөөрсөн байна.

Ийнхүү зөвшөөрөл олгож илүү залуу үеэ хамгаалснаар хэвийн нөхцөлдөө эргэн орох, цар тахлыг эцэс болгоход дөхөмтэй болох юм хэмээн мэдэгдсэн байна.

Эмнэлзүйн туршилтад 12-15 насны 2260 хүүхдийг хамруулахад 100 хувийн үр дүн үзүүлжээ.

Хүнс, эмийн чанарын хяналтын газар яаралтай нөхцөлд хэрэглэх зөвшөөрлийн хамрах хүрээг өргөтгөхийн өмнө боломжит бүх мэдээллийг нарийвчлан шалгаж үзсэн гэдгээ ийнхүү мэдээллээ.