Америкийн Хүнс, эмийн чанарын хяналтын газраас Johnson&Jonhson компанийн боловсруулсан Ковид-19-ийн эсрэг вакциныг хүнд хэлбэрийн коронавирусийн өвчлөлөөс идэвхтэй хамгаалж, нэмэлт тун тарих шаардлагагүй гэж үзэж байна. 

Уг вакцин нь  АНУ-д хүлээн зөвшөөрөгдсөн гурав дахь вакцин болж байна. 

"Johnson and Johnson"-ны вакцин нэг тунгаар дархлаа тогтоохоос гадна Pfizer, Modernа-гийн бүтээгдэхүүнээс илүү хямд бас энгйн хөргөгчинд хадгалах боломжтой ажээ.

Яаралтай горимд хэрэглэх зөвшөөрөл олговол ирэх долоо хоногт гурван сая тун вакцин нийлүүлэх бөгөөд гуравдугаар сарын эцэс гэхэд 20 сая тун вакцинаар хангах боломжтой  гэж  Johnson & Johnson компани мэдэгджээ.