ОХУ-ын нийслэл  Москва хотноо сүүлийн 50 жил ороогүй их хэмжээний цас орсноос автозамын хөдөлгөөн, онгоцны нислэгүүд саатжээ. Түүнчлэн байшингийн дээвэр нь нурснаас хэдэн хүн гэмтэж бэртсэн байна.

Москва хот болон ойр орчмын газраар өнгөрсөн Баасан гаригаас их хэмжээний цас орж эхэлсэн бөгөөд өчигдөр өглөөний байдлаар цасны зузаан 53 см-т хүрсэн байна. Энэ нь 1973 оноос хойш тус хотод ийм их хэмжээний цас унасан анхны тохиолдол гэнэ. Өнөөдөр мөн цас орж, цасан шуурга шуурах төлөвтэй байна гэж цаг уурчид анхааруулсан байна.