АНУ-ын 46 дахь Ерөнхийлөгчөөр сонгогдсон Жо Байдены тангараг өргөх ёслолын ажиллагаа өчигдөр 23.00 цагт боллоо. Жо Байден болон түүний дэд Ерөнхийлөгчөөр ажиллах Камала Харрис нар гэр бүлийн хамт Капитолын ордонд ирсэн юм.

Өдгөө 78 настай Жо Байдены хувьд тус улсын түүхэн дэх хамгийн өндөр настай Ерөнхийлөгч болж байгаа бол Энэтхэг гаралтай Камала Харрис нь анхны эмэгтэй бөгөөд өнгөт арьст, Ази гаралтай дэд Ерөнхийлөгч болж байгаагаараа онцлог юм.