“Фэйсбүүк” компанийн гүйцэтгэх захирал Марк Цукерберг цахим хуудаст нь зар сурталчилгааны олон том компани сурталчилгаагаа тавихаа хойшлуулна гэж мэдэгдсэний дараа долоон сая гаруй ам. доллар алдсан байна. Технологийн компаниудын зүгээс түүнийг платформдоо арьс өнгөөр ялгаварлан гадуурхсан  контентыг удирдаж байгаа талаар шүүмжилсэн гэж “Блүүмберг мэдээлжээ. Тиймээс “Фэйсбүүк” компанийн хувьцааны үнэ өнгөрсөн баасан гаригт 8.3  болж буурсан. Мөн  “Юнилевер” компани нийтийн цахим хуудасны платформыг эсэргүүцсэн арга хэмжээнд нэгдсэнээр   компанийн зах зээл дээрх үнэ 56 сая ам.доллар болж доошилсон гэж бичсэн байна. Ингэснээр тэрээр  82 тэрбумын хөрөнгөтэйгөөр тэрбумтнуудын IV байрт “Амазон” компанийн  эзэн Жефф Безос, “Майкрософт” компанийн эзэн Билл Гейтс нарын дараа оржээ. Веризон”,“Юнивелер” болон “Хонда” компани өнгөрсөн долоо хоногтт иргэний эрхийг хамгаалдаг бүлгэмүүдээс зохион байгуулсан хоригт нэгдэж фэйсбүүкээс зар сурталчилгаагаа татаж авна гэж мэдэгджээ. Тэд энэ кампанит ажлыг нь дэмжиж байгаа компаниудыг зар сурталчилгаагаа татах ялангуяа, фэйсбүүкээс татахыг хүсчээ. Учир нь энэ компани нь цагаан арьстнуудыг дэмжиж, үзэн ядалт агуулсан суртал ухуулгыг зогсоох хангалттай арга хэмжээ авдаггүй гэж үзэж байгаагаа мэдэгдсэн байна.  “Фэйсбүүк” компанийн цахим хуудаст зар сурталчилгаагаа энэ жил дуустал нийтлэхгүй гэж “Юнилевер” компани мэдэгдсэний дараа “Кока кола” компани стратегиа тодорхойлох хүртэл  30 хоногийн турш энэ нийтийн цахим сүлжээнд зар сурталчилгаагаа оруулахаа зогсооно гэв. Харин “Фэйсбүүк” компани энэ шүүмжлэлийн хариуд өнгөрсөн баасан гаригт  тус компанийн бодлогыг зөрчиж байгаа сэтгүүл зүйн сонирхол агуулсан гэж үзэж байгаа нийтлэлийг нэрлэнэ гэж мэдэгдсэн байна.

Х.Оюунболд

Эх сурвалж: “Зууны мэдээ” сонин