Домогт сагсанбөмбөгч Майкл Жорданы хос пүүз Нью-Йоркт болсон дуудлага худалдаагаар 560 мянган ам.долларын үнэ хүрчээ.

"Nike" брэндийн “Air Jordan 1” пүүз нь  Майкл Жорданы хүчин зүтгэж байсан “Чикаго Буллз” багийн өнгөтэй ажээ.

Дуудлага худалдаа Нью-Йорк хотод тавдугаар сарын 8-нд эхэлж, 17-нд дууссан байна. Уг пүүзийг 100-150 мянган ам.долларын үнэ хүрнэ гэж “Sotheby's”-ийн шинжээчид тооцоолж байсан боловч 560 мянган ам.долларын үнэ хүрч, дуудлага худалдааны энэхүү ордны өмнөх дээд амжилтыг эвджээ.