Сүүлийн 24 цагийн хугацаанд ОХУ-ын 83 бүс нутагт коронавирусний халдварын 6411 шинэ тохиолдол илэрч, 72 хүн нас баржээ.

ОХУ-д бүртгэгдсэн халдварын нийт тохиолдлын тоо 93558 болсон бөгөөд тус улс энэ үзүүлэлтээр Иран улсыг гүйцэж, наймдугаарт орж байна.

Шинээр илэрсэн тохиолдлуудын 40.7 хувь нь халдварын шинж тэмдэггүй байсан байна.

ОХУ-д нэг өдрийн дотор 72 хүн нас барсан бөгөөд энэ нь өдөрт нас барсан хамгийн олон тохиолдол юм. Халдвар тархсанаас хойш тус улсад нийт 867 хүн нас барж, 8456 хүн эдгэрчээ.