Коронавирусийн халдварын батлагдсан тохиолдол дэлхий даяар 3 саяд хүрснийг Жон Хопкинсийн их сургууль Даваа гарагт баталжээ. Үүнээс бараг нэг сая орчим нь АНУ-д бүртгэгджээ.

Өчигдрийн байдлаар Covid-19 өвчнөөр нас барсан хүний тоо дэлхий даяар 200,000 гаруй байжээ.

Нэгдүгээр сарын 10-ны өдөр Хятадын Ухань хотод эхний 41 тохиолдол бүртгэгдэж байсан бол дөрвөн сар хүрэхгүй хугацаанд ийнхүү 3 саяын босгыг давжээ.

Өнгөрсөн долоо хоногийн турш хоногт дунджаар 82,000 халдварын тохиолдол дэлхий даяар нэмэгдэж байжээ.

Нийт тохиолдлын гуравны нэг орчим нь АНУ-д, 40 гаруй хувь нь Европ тивд бүртгэгдсэн байна.