Энэтхэгт коронавирусээр халдварласан хүний тоо нэг өдрийн дотор 1300-гаар нэмэгдэж, нийт тохиолдлын тоо 15712-д хүрсэн байна.

Халдвар авсан 12974 хүн эмчилгээ хийлгэж байгаа бол 2230 хүн эдгэрч, эмнэлгээс гарчээ. Халдварын улмаас тус улсад 507 хүн нас баржээ.

Халдвар илэрсэн тохиолдлуудын тал гаруй хувь нь Энэтхэгийн 6 мужид бүртгэгджээ.

Коронавирусний хамгийн их тохиолдол бүртгэгдсэн 170 дүүргийг Энэтхэгийн Эрүүл мэндийн яам “халуун цэг” хэмээн зарлажээ.