ОХУ-д коронавирусний халдварын тохиолдол нэг өдрийн дотор 1786-гаар нэмэгдэж, 11917 болсон тухай тус улсын коронавирустэй тэмцэх шуурхай штаб мэдээлсэн байна.

Одоогийн байдлаар халдвар авсан 795 хүн эдгэрсэн бол 94 хүн нас баржээ.

Нэг өдрийн дотор шинээр бүртгэгдсэн тохиолдлын 1124 нь Москва хотоос илэрсэн байна. Тус хотод шинээр бүртгэгдсэн тохиолдлуудын дийлэнх нь 65-аас доош насны хүмүүс байсан бол 5.5 хувь нь л хүүхдүүд байжээ.

 Сүүлийн 24 цагийн хугацаанд тус улсад 97 хүн эмнэлгээс гарсан бол 18 өвчтөн нас баржээ.