АНУ-ын тагнуулын мэдээллээр БНХАУ шинэ төрлийн “коронавирус”-ийн халдвар, нас баралтын бодит тоог нуун дарагдуулсан байна. Өнгөрсөн долоо хоногт Цагаан ордонд АНУ-ын тагнуулын байгууллага энэ талаар тайлагнажээ.

Энэхүү тайлангаар бодит тоо нь нийтэд зарласнаас хавьгүй өндөр байгааг илтгэсэн гэж нэрээ нууцалсан гурван эх сурвалж баталгаажуулсан аж.

Дараагийн голомт болоод байгаа АНУ-д халдварын тоо хэдхэн долоо хоногт 215 мянга давж, нас баралт 5112 болоод байгаа юм.

"Бодит мэдээллийг дарагдуулах нь цаашдаа эмчилгээг олох, тохирсон арга хэмжээ авахад хүндрэл учруулж байна" гэж АНУ-ын дэд Ерөнхийлөгч Майк Пенс мөн шүүмжилж байсан юм.