АНУ-д коронавирусний халдвараар нэг өдрийн дотор 1200 гаруй хүн нас барсан байна. Энэ нь дэлхий даяар халдвар тархсанаас хойш өдөрт нас барсан хамгийн олон тохиолдол юм.

Өчигдөр АНУ-д “COVID-19” өвчний улмаас 1243 хүн нас барсан байна. Лхагва гаргийн оройны байдлаар тус улсад коронавирусний халдвар авсан нийт хүний тоо 215,417 болсон бол нас барсан тохиолдлын тоо 5116-д хүрсан гэж Жонс Хопкинсийн нэрэмжит их сургуулийн цахим хуудсаар мэдээлсэн байна.

Нас баралтын хамгийн олон буюу 1374 тохиолдол АНУ-ын Нью-Йорк муж улсад бүртгэгджээ.