Өнгөрсөн долоо хоногт ОХУ-ын ерөнхийлөгч Владимир Путин шинэ коронавирусийн халдвартай өвчтөнүүдийг эмчилж байгаа Москва хотын эмнэлэгт зочилж, нөхцөл байдалтай танилцсан юм.

Энэ үеэр Коммунарка эмнэлгийн ерөнхий эмч Денис Проценко түүнтэй уулзаж, гар барин мэндчилж, хамтдаа эмнэлгийн тасгуудаар алхаж байгаа зураг Оросын хэвлэлүүдэд нийтлэгдсэн юм.

Тэгвэл Проценко шинэ коронавирусийн халдвар авч, тусгаарлагдсаныг эмнэлгийн захиргаа өчигдөр мэдээлжээ. 

Эмч Денис Проценко биеийн байдал хэвийн байгаа гэв.

Сүүлийн үед ОХУ-ын Ерөнхийлөгч Владимир Путин коронавирусийн шинжилгээ байнга өгөх болжээ. Түүний хувьд одоогоор ямар нэгэн байдлаар халдвар аваагүй байгаа бөгөөд шинжилгээний хариу нь сөрөг гарч байгаа гэж хэвлэлийн төлөөлөгч Дмитрий Песков мэдээлжээ.